लेडी तस्करला विमानतळावरून अटक ; प्रायव्हेट पार्टमध्ये लपवले कोकेन!

4
0
Share:

लेडी तस्करला विमानतळावरून अटक ; प्रायव्हेट पार्टमध्ये लपवले कोकेन!

मुंबई:शरीराच्या आत कोकेन या प्रतिबंधित अमली पदार्थांच्या पिशव्या लपवून त्याची तस्करी करणाऱ्या महिलेला विमानतळावरून अटक करण्यात आली आहे. अशा दुर्मिळ पद्धतीने तस्करीची ही घटना महसूल गुप्तचर संचालनालयाने (डीआरआय) उघडकीस आणली आहे. हे सुमारे ३२ लाख रुपये किमतीचे कोकेन आहे.
मूळ दक्षिण अमेरिकेतील बोलिव्हीया या देशाची नागरिक असलेली रिबेरा डेलीशिया ही महिला अशाप्रकारे कोकेन घेऊन छत्रपती शिवाजी महाराज आंतरराष्ट्रीय विमानतळावर येत असल्याची माहिती डीआरआयला मिळाली होती. त्याआधारे अधिकाऱ्यांनी विमानतळावरूनच या महिलेला ताब्यात घेतले. चौकशीदरम्यान ती काही तरी लपवत असल्याची माहिती मिळाली. त्या माहितीच्या आधारे न्यायालयाच्या परवानगीने महिलेच्या शरीराचा जेजे रुग्णालयात एक्स-रे काढण्यात आला. त्यामध्ये या महिलेने पोटात व गुप्तांगात काहीतरी लपवले असल्याचे दिसले. त्याआधारे उपचार केले असता, महिलेच्या शरीरातून कोकेनच्या एकूण १३ पिशव्या बाहेर काढण्यात आल्या. ते निम द्रव स्वरूपातील कोकेन होते. महिलेला न्यायालयीन कोठडीत ठेवण्यात आले आहे.
ही महिला बोलिव्हियाहून ब्राझिलला गेली. तिथे तिने या तस्करीबाबत सौदा केला. त्यानंतर कोकेन घेण्यासाठी नायजेरियात गेली व तिथेच तिने शस्त्रक्रियेद्वारे या पिशव्या शरीराच्या आत लपवल्या. नायजेरियाहून मुंबईसाठी थेट विमान नसल्याने ती इथिओपियाला गेली. तिथून इथिओपियन एअरलाइन्सच्या विमानाने मुंबईला आली, अशी माहिती सूत्रांनी दिली.

भारतात तस्करीचे नेटवर्क?

ही महिला अशा पद्धतीने कोकेन घेऊन मुंबईत आली. पण येथून ती कोकेन कोणाला व कुठे देणार होती, नेमकी कुठे जाणार होती, या पिशव्या तिच्या शरीरातून बाहेर काढण्यासाठी कोणते रुग्णालय तिला मदत करणार होते, हे सारे प्रश्न या निमित्ताने निर्माण झाले आहेत. याआधीही अशाप्रकारे शरीरात अंमली पदार्थ लपवून ब्राझीलची एक महिला मुंबईत आली होती. यावरून भारतातही या तस्करीचे मोठे नेटवर्क असण्याची शक्यता वर्तवण्यात येत आहे.

Share: