मुंबई APMC भाजीपाला मार्केटमध्ये आज ६१० गाडी आवक झाली असून पुन्हा एकदा भाजीपाला दरात तफावर पाहायला मिळाली. बाजार समिती प्रशासनाने प्रसिद्ध केलेले भाजीपाला दर आणि प्रत्येक्षात विक्री दर यात मोठी तफ़ावत समोर आली आहे. त्यामुळे भाजीपाला मार्केटमध्ये अशा प्रकारे दर वाढ करून भाजीपाला विकला जात आहे. बाजार समिती नियमानुसार १० किलो भाजीपाला किरकोळ पद्धतीने विकला जाऊ शकतो. मात्र, प्रत्येक्षात १ किलो ते अडीच किलोचा भाजीपाला वाढीव दराने बाजारात विक्री होत आहे.
घाऊक बाजार म्हणून व्यवसाय करताना घाऊक बाजाराच्या अनेक व्याख्या ठरलेल्या असतात. मात्र, त्याच बाजारात किरकोळ केली जात असल्याने घाऊक बाजार संकल्पना फोल ठरत आहे. शिवाय या ठिकाणचे किरकोळ व्यापारी भाडेतत्वावर व्यवसाय करतात. त्यामुळे यांच्याकडून कोणत्याही पद्धतीचे उत्पन्न बाजार समितीला मिळत नाही. भाजीपाला बाजार सकाळी १० पर्यंत चालू असतो. अशावेळी दुपारपर्यंत चालणाऱ्या किरकोळ बाजाराने बाजार समितीवर देखील मोठा ताण पडत असल्याचे प्रशासकीय अधिकारी सांगत आहेत. 
भाजीपाला बाजारातील घाऊक आणि किरकोळ बाजार
किरकोळ दर (प्रतिकिलो)           घाऊक दर (प्रतिकिलो)
टोमॅटो  ६४                                       १२ ते १६
भेंडी  ६४                                           ३०
वांगी  ६८                                           ३०
शिमला  ४८                                       ४०
कारले    ६४                                       ३०
कोबी    ४८                                       १६
फ्लॉवर    ४०                                     १६
गाजर    २४                                       २०
काकडी  २४                                       १०