RBI Repo Rate : आरबीआयने दिली गुडन्यूज, जनतेला मोठा दिलासा! रेपो दर जैसे थे
नवी दिल्ली : भारतीय रिझर्व्ह बँकेने (RBI) सर्वसामान्य जनतेला मोठा दिलासा. हे नवीन आर्थिक वर्ष जनतेसाठी गुडन्यूज घेऊन आले. रेपो दरात कुठलीही वाढ झाली नाही. रेपो दरात पुन्हा वाढ होण्याची शक्यता असताना अचानक आरबीआयने यू-टर्न घेतला. आरबीआय रेपो दरात (Repo Rate) 25 बेसिस पॉईंटची वाढ करेल, असा अंदाज होता. यापूर्वी केंद्रीय बँकेने सहा वेळा रेपो दरात वाढ केली होती. त्यामुळे यावेळी सातव्यांदा पुन्हा दरवाढ अटळ वाटत असतानाच हा दिलासा मिळाला. यामुळे वाढत्या ईएमआयपासून जनतेला दिलासा मिळेल.
आरबीआय गव्हर्नर शक्तिकांत दास यांच्या नेतृत्वात 3, 5 आणि 6 मार्च रोजी आरबीआयच्या पतधोरण समितीची बैठक सुरु होती. ही बैठक संपल्यानंतर रेपो दरात कुठलीही वाढ न करण्याचा निर्णय जाहीर करण्यात आला. यामुळे कर्जावरील ईएमआयमध्ये वाढ होणार नाही. कोरोना काळात स्वस्तात कर्ज घेतलेल्या कर्जदारांना नंतर मोठा ईएमआय भरावा लागत आहे. त्यामुळे त्यांचे बजेट संपूर्णपणे कोलमडले आहे.
महागाई निर्दशांक काय
या नवीन वर्षात आरबीआयच्या पतधोरण समितीची ही पहिली बैठक होती. तर या नवीन वर्षातील दुसरी बैठक होती. देशातील किरकोळ महागाई जानेवारीमध्ये 6.52 टक्के आणि फेब्रुवारी महिन्यात 6.44 टक्के होती. हा आकडा महागाईच्या दिलासादायक प्रमाणापेक्षा वाढीव होता. आरबीआयच्या धोरणापेक्षा अधिक होता. त्यामुळेच रेपो दरात वाढीची शक्यता होती.
Video Stream
Latest Posts
 (1).png)
