मुंबई APMC भाजीपाला मार्केट उपसचिव गावात; अनधिकृत व्यापार जोमात
मुंबई APMC भाजीपाला मार्केटचे उपसचिव २० दिवसांच्या सुट्टीवर गेले असून भाजीपाला मार्केटचा तात्पुरता कार्यभार फळ मार्केट उपसचिव यांच्याकडे देण्यात आला आहे. परंतू याचा फायदा घेत अनधिकृत व्यापाऱ्यांचा सुळसुळाट झाला असून भाजीपाला मार्केटमध्ये पॅसेज आणि गाडी धक्क्यावर बिनधास्त व्यापार केला जात आहे. भाजीपाला मार्केटमध्ये सातत्याने अनधिकृत व्यापारी परिस्थितीचा फायदा घेत व्यापार करत असतात. शिवाय या व्यापारामुळे बाजार समितीचा मोठ्या प्रमाणात सेस बुडत असल्याचे सांगण्यात येत आहे. त्यामुळे अवैध व्यापारावर अंकुश आणल्यास बाजार समितीच्या उत्पन्नात वाढ होईल असा अंदाज तज्ञ् व्यक्त करत आहेत.
त्यात आता बाजारात उपसचिवच नसल्याने या व्यापाऱ्यांना रान मोकळे झाले आहे. तर फळ मार्केट उपसचिव दोन्ही मार्केटचा कारभार पहात असल्याने त्या भाजीपाला बाजारात केव्हा येतात आणि जातात याचा पत्ता बाजार घटकांना लागत नाही. त्यामुळे भाजीपाला मार्केट रामभरोसे चालत आहे. तर दोन्ही मार्केटचा कारभार पाहणाऱ्या उपसचिवांना अवैध व्यापारावर वचक ठेवणे कितीपत शक्य होईल हे सांगणे कठीण आहे.
आज भाजीपाला बाजारात ६०० गाडी आवक झाली असून घाऊक बाजारभाव आणि किरकोळ बाजारभाव यामध्ये मोठ्या प्रमाणात तफावत पाहायला मिळाली आहे. शेतकऱ्याला हमीभाव मिळत नसल्याने शेतकरी चिंतेत आहेत. तर किरकोळ बाजारावर नियंत्रण नसल्याने महागाईने ग्राहक हैराण आहेत.
घाऊक भाजीपाला बाजारभाव (प्रतिकिलो) किरकोळ भाजीपाला बाजारभाव (प्रतिकिलो)
भेंडी ४० ते ५० रुपये भेंडी ६० रुपये
वांगी ३० रुपये वांगी २८ रुपये
शिमला ३० ते ४० रुपये शिमला ६४ रुपये
घेवडा १० ते २० रुपये घेवडा २८ रुपये
कारले ५२ रुपये कारले ५६ रुपये
कोबी २० रुपये कोबी ४८ रुपये
फ्लॉवर १० ते १२ रुपये फ्लॉवर २८ रुपये
गाजर ३० रुपये गाजर २४ रुपये
काकडी १२ रुपये काकडी २२ रुपये
दुधी- १० रुपये दुधी- ३६ रुपये
फरसबी-२० ते ३० रुपये फरसबी- ४० रुपये
वाटाणा-२० ते २५ रुपये वाटाणा- ३२ रुपये
Video Stream
Latest Posts
 (1).png)
