पुणे : नवले ब्रीजवर गुरुवारी दुपारी झालेल्या भीषण अपघाताने संपूर्ण राज्य हादरले आहे. सातारा–पुणे महामार्गावर ब्रेक-फेल झालेल्या ट्रकने धडाधड 15 ते 20 वाहनांना जोरदार धडक दिली. काही क्षणांत भीषण स्फोट झाले आणि सगळीकडे आरडाओरडा, गोंधळ, धूर आणि भीतीचे वातावरण निर्माण झाले.

या दुर्घटनेत 7 जणांचा दुर्दैवी मृत्यू, तर अनेक प्रवासी गंभीर जखमी झाले आहेत. पोलिसांनी मृत आणि जखमींची प्राथमिक यादी जाहीर केली आहे.

मृतांची यादी — 7 जणांचा करुण अंत

अपघातात मृत्यू पावलेल्यांमध्ये खालील व्यक्तींचा समावेश आहे :
• स्वाती संतोष नवलकर (वय 37) – विश्वास पॅलेस, धायरी फाटा, पुणे
• शांता दत्तात्रय दाभाडे (वय 54) – सत्यसाई अपार्टमेंट, धायरी फाटा
• दत्तात्रय चंद्रकांत दाभाडे (वय 58) – सत्यसाई अपार्टमेंट, धायरी फाटा
• मोक्षिता हेमकुमार रेड्डी (वय 3) – पॅराडाईज वन, चिखली
• धनंजय कुमार कोळी (वय 30) – कारचालक, सोनवणे वस्ती, चिखली
• रोहित ज्ञानेश्वर कदम (वय 25) – लोणी, तालुका खंडाळा, सातारा

जखमींची स्थिती — पल्स हॉस्पिटलमध्ये उपचार सुरू

पल्स हॉस्पिटलमध्ये सध्या पुढील जणांवर उपचार सुरू आहेत :
• सोफिया अमजद सय्यद (वय 15), रुपीनगर, निगडी
• रुकसाना इब्राहिम बुरान (वय 45)
• बिस्मिल्ला सय्यद (वय 38), चाकण
• इस्माईल अब्बास बुरान (वय 52), निगडी
• अमोल मुळे (वय 46), काळेवाडी फाटा
• संतोष सुर्वे (वय 45), भूमकर नगर, नरे

नवले हॉस्पिटलमध्ये दाखल जखमी

• सय्यद शालीमा सय्यद
• जुलेखा अमजद सय्यद (वय 32)
• अमजद सय्यद (वय 40)
• सतीश वाघमारे (वय 35), नांदेड
• सोहेल रमनुद्दीन सय्यद (वय 20), चाकण
• शामराव पोटे (वय 79), हिंजवडी
• अंकित सलीयन (वय 30), आंबेगाव बुद्रुक

अपघात एवढा भीषण होता की अनेक वाहनांचा चक्काचूर झाला. अग्निशमन दल व पोलिसांनी मोठ्या प्रयत्नांनी बचावकार्य राबवले. ब्रेक-फेल ट्रक नेमका कसा बेभान वेगाने आला, याचा तपास सुरू आहे.