रसाळ सेवानिवृत्त; संजय कदम यांच्याकडे राज्याच्या पणन संचालकपदाचा अतिरिक्त कार्यभार
पणन विभागात नवी दमदार जोडी: रसाळ निवृत्त, संजय कदम यांच्याकडे संचालकपदाची धुरा
राष्ट्रीय बाजार (National Market) प्रकल्पासाठी केलेले निर्णय विकास रसाळ यांच्या कारकिर्दीतील महत्त्वाचा टप्पा मानला जातो.
नवी मुंबई: राज्याचे पणन संचालक विकास रसाळ आज २८ नोव्हेंबर रोजी सेवानिवृत्त झाले. त्यांच्या कार्यकाळात अनेक महत्वपूर्ण निर्णय राबवण्यात आले. विशेषत: राष्ट्रीय बाजार (National Market) प्रकल्पासाठी केलेले निर्णय हा त्यांच्या कारकिर्दीतील महत्त्वाचा टप्पा मानला जातो.
रसाळ यांनी आपल्या कार्यकाळात अधिकारी ते कर्मचाऱ्यांपर्यंत सर्वांना सोबत घेऊन समन्वयातून काम केल्याची विशेष नोंद आहे.
त्यांच्या सेवानिवृत्तीनंतर, पणन मंडळाचे कार्यकारी संचालक संजय कदम यांच्याकडे राज्याचे पणन संचालक पदाचा अतिरिक्त कार्यभार सोपवण्यात आला आहे.
संजय कदम हे अनुभवी, निर्णयक्षम आणि वरिष्ठ अधिकारी म्हणून राज्यात ओळखले जातात. पणन मंडळाचे कार्यकारी संचालक म्हणून त्यांच्या तीन वर्षांच्या कार्यकाळात त्यांनी विविध सुधारणा राबवून प्रशासनात कार्यक्षमतेची नवीन पातळी निर्माण केली.
आता त्यांच्या खांद्यावर राज्याच्या पणन संचालकपदाची अतिरिक्त जबाबदारी सोपवण्यात आल्याने, विभागात नवे निर्णय, नवे उपक्रम आणि कार्यपद्धतीत गती येण्याची अपेक्षा व्यक्त केली जात आहे.
Video Stream
Latest Posts
.jpeg)
