75 लाख लोकवर्गणीतून खड्डेमुक्त रस्त्याचा मुळशी पॅटर्न,शासनाचा निधी न घेता केला रस्ता तयार
पुणे:महाराष्ट्रात खड्डेमय रस्त्याची समस्या वाढत असताना पुण्याजवळील भुगांव ग्रामस्थांनी चक्क 75 लाख लोकवर्गणीतून खड्डेमुक्त रस्ता निर्माण केला आहे. पुणे - कोलाड महामार्गवरील भूगाव ग्रामस्थ गेली 4 वर्ष शासकीय उदासीनता कंटाळले होते. अखेर लोकवर्गणीतून खड्डेमुक्त गावठाणचा नवा मुळशी पॅटर्नची भूगाव ग्रामस्थांनी उभा केला आहे.
राज्यात पावसाळा आला की खड्ड्यांची चर्चा सुरु असते. दरवर्षी रस्त्यावरील खड्डे बुजवण्याची मागणी होते. त्यासाठी आंदोलने केले जातात. उपोषण केले जाते. लोकप्रतिनिधी अन् शासकीय कार्यालयात नागरिक चकरा मारतात. या सर्व प्रयत्नानंतर अनेकवेळा खड्डेमुक्त रस्ते होत नाहीच. गावकऱ्यांचा हा पॅटर्न आता चांगलाच चर्चेत आला आहे.
गावातील युवक आणि ज्येष्ठ नागरिक एकत्र आले. त्यांनी गावात रस्ते करण्यासाठी आता शासनाच्या मदतीवर अवलंबून न राहता काम करण्याचा निर्णय घेतला. गाव खड्डेमुक्त करण्यासाठी निधी जमवण्यास सुरुवात केली. पाहता, पाहता गावकऱ्यांना चक्क 75 लाखांचा निधी लोकवर्गणीतून जमवला. हा निधी खड्डेमुक्त रस्ता निर्माण करण्यासाठी वापरणे सुरु केले. गावात सिमेंट क्राँक्रीटचे रस्ते तयार करण्याचे काम सुरु झाले. लोकवर्गणीतून खड्डेमुक्त गावठाणचा नवा मुळशी पॅटर्न भूगाव ग्रामस्थांनी उभा केला आहे.
भूगाव ग्रामस्थांचा हा पटर्न राज्यात सुरु झाल्यास सर्वत्र चांगले रस्ते उभे राहतील. परंतु तळागाळापर्यंत पायाभूत सेवा देण्याची शासनाची जबाबदारी राज्यकर्ते कधी पार पाडणार? हा प्रश्न यानिमित्ताने उपस्थित होत आहे.
Video Stream
Latest Posts
.jpeg)
