दुकानातून चोरी केल्यानंतर, चोर एक टाईप केलेले पत्र मागे सोडून पळून गेला. या पत्रात त्याने लिहिले आहे की ओढावलेल्या परिस्थितीमुळे ही चोरी करावी लागली आहे. तसेच त्याने या चिठ्ठीमध्ये एक वचन देखील दिले आहे. 
चोरीची एक अनोखी घटना समोर आली आहे. काल रात्री मुख्यालयात एका चोराने अडीच लाख रुपयांची चोरी करुन एक चिठ्ठी मागे सोडली. या चिठ्ठीमध्ये त्याने माफी मागितली आहे. ‘मला माफ करा.. माझ्यावर ओढावलेल्या परिस्थितीमुळे मी चोरी केली आहे’ असे त्याने पत्रामध्ये म्हटले आहे. पुढे त्याने चिठ्ठीमध्ये अशा काही गोष्टी लिहिल्या आहेत ज्या वाचून तुमच्य डोळ्यातही पाणी येईल.

ही घटना मध्यप्रदेशमधील खरगोन जिल्ह्यात घडली आहे. खरगोण कोतवाली पोलिसांना सूत्रांनी दिलेल्या माहितीनुसार, रामनवमीच्या दिवशी जमींदर मोहल्ला येथील दुकानदार जुजार अली यांच्या दुकानाचे शटर तोडण्यात आले. त्यातील सुमारे अडीच लाख रुपये चोरीला गेले. सकाळी दुकानदाराने दुकान उघडले तेव्हा ही घटना उघडकीस आली. त्याने पोलिसांना याबाबत माहिती दिली. दुकानदाराने पोलिसांना सांगितले की त्याच्या बॅगेत सुमारे २.८४ लाख रुपये होते, परंतु जेव्हा त्याने दुकान उघडले तेव्हा त्याला त्यात फक्त ३८ हजार रुपये आढळले. बॅगेत संगणकावर टाइप केलेले माफीनामा पत्रही सापडले.

चोराने चिठ्ठीत काय लिहिले आहे?

चोराने लिहिले आहे की, “सर्वप्रथम, जुजार भाई, मी तुमच्या दुकानातून पैसे चोरत आहे म्हणून मी तुमची माफी मागतो. मी तुमच्या परिसरातील आहे. मला पैशांची नितांत गरज आहे. माझ्यावर खूप कर्ज आहे, मी तुमचे पैसे परत करेन, पण त्यासाठी मला थोडा वेळ लागेल. मी तुम्हाला तीन-चार दिवसांपूर्वी तुमच्या दुकानात पैसे मोजताना पाहिले. तेव्हापासून मी तुम्हाला पाहत आहे. पैसे मागण्यासाठी लोक माझ्या घरी येत आहेत, म्हणून मी नको असतानाही तुमच्या दुकानातून पैसे चोरत आहे.”

पुढे त्याने लिहिले की, “जर मी पैसे चोरले नाहीत तर मी तुरुंगात जाईन, म्हणून मी रात्री तुमच्या दुकानाच्या मागच्या शटरवरून पैसे घेत आहे आणि कर्ज फेडायचे आहे तितकेच पैसे घेत आहे. उर्वरित वस्तूंचे मी काहीही करणार नाही. मी तुम्हाला वचन देतो की मी तुमचे पैसे ६ महिन्यांत परत करेन आणि पुढेही येईन. तोपर्यंत मी तुमची आणि तुमच्या मुलाची हात जोडून माफी मागतो. मी रामनवमीच्या दिवशी चोरी करत आहे. चोरी करण्याचा माझा कोणताही हेतू नव्हता. मी खूप असहाय्य आहे. जर तुम्हाला हवे असेल तर तुम्ही मला 6 महिन्यानंतर पोलिसांकडे सोपवा. पण मी सध्या पैसे चोरत आहे. ते खूप महत्वाचे आहे. मी तुम्हाला सगळं खरं खरं सांगितलं आहे. मी आत्ता पुढे येऊ शकणार नाही. तुम्ही मला खूप चांगले ओळखता. मी फक्त एवढेच म्हणेन की जेव्हा मी तुमचे पैसे परत करेन, तेव्हा तुम्ही मला जी काही शिक्षा द्याल ती मी स्वीकारेन.”