मराठी नाही तर ॲमेझॉन नाही’ अशा आक्रमकतेत मनसेने केली अमेझॉन वर धडक

10
0
Share:

मुंबई : महाराष्ट्रात मराठी भाषेच स्थान टिकविण्यासाठी मनसेच्या कार्यकर्त्यांनी पुढाकार घेतला आहे. ‘मराठी नाही तर ॲमेझॉन नाही’ अशी आक्रमक भूमिका घेत ॲमेझॉनवर मराठी भाषेचा समावेश करण्याची मागणी त्यांनी केली होती. मनसेच्या कार्यकर्त्यांनी पुण्यातील कोंढवा येथील ॲमेझॉनचे कार्यालय फोडले तसेच मुंबईत चांदिवली येथील ॲमेझॉनच्या वेअरहाउसलाही लक्ष्य करण्यात आले होते. मनसेचा हा आक्रमक पवित्रा पाहून ॲमेझॉनने चर्चेसाठी पुढाकार घेतला.

यावरून मनसैनिकांनी पुणे आणि मुंबईत ॲमेझॉनचे कार्यालय व वेअरहाउसवर धडक देत तोडफोड केली. मनसेची मागणी मान्य करत येत्या सात दिवसांत ॲमेझाॅनवर मराठीचा समावेश करू, असे आश्वासन ॲमेझाॅनने दिले आहे. अखिल चित्रे यांना ॲमेझॉनकडून ई-मेल आला आहे. त्यात ॲमेझॉनवर येत्या सात दिवसांत मराठीला स्थान देण्याची तयारी दर्शवताना ‘नो मराठी, नो ॲमेझॉन’ ही मोहीम स्थगित करण्याची विनंती करण्यात आली. याबाबत अखिल चित्रे यांनी माध्यमांना माहिती दिली. आम्हाला आश्वासन नको, प्रत्यक्ष कृती हवी, असे आम्ही ॲमेझॉनला सांगितले असून राज ठाकरे यांचीही त्यांनी माफी मागायला हवी, अशी आमची मागणी असल्याचे अखिल चित्रे म्हणाले.

Share: