सरकारी कांदा खरेदीला मोठा झटका! नाफेड-एनसीसीएफ केंद्रांना टाळे लागण्याची वेळ
40 दिवसांत 7 वेळा भाववाढ तरीही शेतकऱ्यांची सरकारी खरेदीकडे पाठ
व्यापाऱ्यांकडेच शेतकऱ्यांचा ओढा नाफेड-एनसीसीएफचे उद्दिष्ट अधांतरी
कांदा खरेदीत सरकारची नामुष्की! 2 लाख टनांचे लक्ष्य दूरच
सरकारी भाव कमी, बाजारभाव जास्त कांदा खरेदी योजना अडचणीत
नाशिक : केंद्र सरकारच्या दर स्थिरीकरण निधी योजनेंतर्गत नाफेड आणि एनसीसीएफमार्फत सुरू असलेली कांदा खरेदी गंभीर अडचणीत आली आहे. ४० दिवसांत कांद्याच्या खरेदी दरात तब्बल सात वेळा वाढ करूनही शेतकऱ्यांकडून अपेक्षित प्रतिसाद मिळत नसल्याने येत्या दहा दिवसांत अनेक खरेदी केंद्रे बंद करण्याची वेळ येण्याची शक्यता आहे.
सरकारने १५ मे रोजी प्रति क्विंटल १,२३५ रुपयांपासून खरेदी सुरू केली होती. त्यानंतर टप्प्याटप्प्याने दर वाढवत तो २,१२५ रुपये प्रति क्विंटल करण्यात आला. मात्र, बाजार समित्यांमध्ये मिळणाऱ्या सरासरी भावापेक्षा हा दर कमी असल्याने शेतकरी सरकारी खरेदीऐवजी खासगी व्यापाऱ्यांना प्राधान्य देत आहेत.
३० जूनपर्यंत दोन लाख मेट्रिक टन कांदा खरेदीचे उद्दिष्ट असताना केवळ सुमारे सहा हजार टन कांद्याचीच खरेदी झाली आहे. त्यामुळे केंद्र सरकारला कांदा खरेदीस मुदतवाढ देण्याची वेळ आली आहे.
लासलगाव बाजार समितीत कांद्याला सरासरी २,२५१ रुपये प्रति क्विंटल दर मिळत असून, व्यापारी सर्व प्रकारचा माल तात्काळ खरेदी करून जागेवरच पैसे देत आहेत. उलट सरकारी खरेदीची प्रक्रिया गुंतागुंतीची असून केवळ उच्च प्रतीचा माल स्वीकारला जात असल्याने शेतकरी सरकारी केंद्रांकडे पाठ फिरवत असल्याचे चित्र आहे.
Video Stream
Latest Posts
.jpeg)
.jpeg)
