मुंबई कृषी उत्पन्न बाजार समितीच्या (APMC) फिरत्या दक्षता पथकाच्या बेकायदेशीर दादागिरीचे धक्कादायक प्रकार Apmc News डिजिटल चॅनेलने उघड केल्यानंतर प्रशासन तत्परतेने हलले आहे. सचिव शरद जरे यांनी तात्काळ कारवाई करत पथकातील दोन कर्मचाऱ्यांची उचलबांगडी केली असून त्यांची बदलीही करण्यात आली आहे.

दक्षता पथकातील अनंत परदुळे यांची भाजीपाला मार्केटमध्ये, तर विनीत उबाळे यांची कांदा-बटाटा मार्केटमध्ये बदली करत तातडीने रुजू होण्याचे आदेश देण्यात आले आहेत.

Apmc News डिजिटल चॅनेलने   दक्षता पथकाकडून व्यापाऱ्यांवर होत असलेल्या दादागिरी, धमक्या आणि वसुलीप्रकरणी गंभीर आरोप उघड केला होता . विशेषतः एका खाजगी कंपनीच्या महिला मॅनेजरचा अपमान आणि व्यापाऱ्याकडून पैशांची मागणी यामुळे बाजार समितीची प्रतिष्ठा मोठ्या प्रमाणावर धुळीस मिळाली होती.

तक्रारदार व्यापाऱ्याच्या मते, त्याच्या तुपाच्या गाडीला अडवून “२५ हजार रुपये दिल्याशिवाय गाडी सोडणार नाही” अशी धमकी देण्यात आली. वैध परवाना आणि ६१ हजारांच्या करपावत्या असूनही गाडी ताब्यात घेतली गेली. शिवाय कारवाईच्या वेळी काही सदस्य दारूच्या नशेत असल्याचा आरोपही केला गेला आहे.

याहून धक्कादायक बाब म्हणजे शासकीय पाट्या लावलेल्या खाजगी एर्टिगा गाडीतून ही दादागिरी होत असल्याचे उघड झाले.   गाड्यात एकूण   ४ लोग होते .या गाडीतून दोन जण दाना मार्केट परिसरात उतरून अदृश्य झाले .ही दोघे कोण होते यांच्या खुलासा होणे गरजेचे आहे.सूत्राने सांगितले प्रमाणे दक्षता पथकातील कर्मचारी बाहेरच्या लोकांना सोबत घेऊन वसुली करत आहेत यांची सुद्धा चौकशी होणे गरजेचे आहे.या सर्व प्रकारामुळे झालेल्या बदनामीची गंभीर दखल घेत सचिव शरद जरे यांनी पथकातील संबंधितांना त्वरित बाहेरचा रस्ता दाखवला आहे. कडक शिस्तीच्या या कारवाईमुळे मुंबई APMC प्रशासनात खळबळ उडाली आहे.