मुंबई APMC मध्ये पदोन्नतीचा गोंधळ उच्च न्यायालयात! पात्र अभियंत्याला डावलून ‘फेवरिट’ला बढती देण्याचा डाव उघड
-बाजार समितीत पदोन्नतीचा गोंधळ उप अभियंता भोजनकरांनी प्रशासन विरोधात उच्च न्यायालयात धाव
मुंबई कृषी उत्पन्न बाजार समितीच्या आस्थापनातील पदोन्नती प्रक्रियेतील अनागोंदी कारभारावर आता न्यायालयीन शिक्कामोर्तब होणार आहे. पात्र असूनही बढती न मिळाल्याने उप अभियंता सुदर्शन भोजनकर यांनी उच्च न्यायालयात धाव घेतली आहे. या याचिकेवर आज मुंबई उच्च न्यायालयात सुनावणी होणार आहे.
समितीच्या सेवा नियमांनुसार भोजनकर हे पाच वर्ष वरिष्ठ असून, सर्व पात्रता पूर्ण करतात. तरीदेखील तत्कालीन सचिव आणि काही संचालकांनी जाणीवपूर्वक त्यांना पदोन्नतीपासून वंचित ठेवले, असा गंभीर आरोप करण्यात आला आहे. उलट, आपल्या मर्जीतल्या उप अभियंता मेहबूब बेपारी यांना पदोन्नती देण्याचा प्रयत्न करण्यात आला होता.
माहितीनुसार, या संदर्भात काही संचालकांनी बोर्डाच्या बैठकीत ठराव मंजुरीसाठी ठेवला, मात्र ३१ ऑक्टोबरच्या सभेत काही संचालकांनी या चुकीच्या निर्णयाला विरोध दर्शवला. परिणामी, ठराव रद्द करण्यात आल्याचे समजते.
सदर प्रकरण न्यायालयात गेल्यानंतर आता APMC च्या पदोन्नती प्रक्रियेवर प्रश्नचिन्ह निर्माण झाले आहे. विशेष म्हणजे, गेली २० वर्षे मुख्यालयात ठाण मांडून बसणारे उप अभियंता मेहबूब बेपारी यांना देण्यात आलेल्या कार्यकारी अभियंत्याच्या पदभारावर नवीन सचिव पुनर्विचार करतील का, याबाबत अधिकारी व कर्मचाऱ्यामध्ये कुजबुज सुरू आहे.न्यायालयाचा निर्णय आता संपूर्ण बाजार समितीच्या भवितव्यावर परिणाम करू शकतो.
Video Stream
Latest Posts
.jpeg)
